De 27 an 28. Oktober 2022 huet d’Taina Bofferding, Ministesch fir Gläichstellung, fir d’drëtt Kéiert op de Rock de Rack invitéiert. Hei konnten iwwer 350 Jonker zesumme mt hiere Begleeder a Begleederinnen un enger Villfalt un Atelieren deelhuelen.
Nom Film “Misbehaviour” dee vill Uklang fonnt huet, haten déi Jonk d’Méiglechkeet sech iwwert hieren Dag an hier alldeeglech Suergen zum Thema Sexismus, Diskriminatioun a Gläichstellung auszedrécken. Dir fannt hei e puer Impressioune vum Dag.
De Rock de Rack ass gratis fir all Participant. Iessen a Gedrénks gëtt den Dag iwwer gestallt. All Grupp muss begleet ginn duerch eng responsabel Persoun vun hirer Schoul.
D’Aschreiwunge fir de Rock de Rack 2022 si voll! Bei Froen kënnt der iech weiderhi gären un d’Organisatiounsekipp wenden um 247-85826 oder 247-85812.